رسالة من مشتركة معانا
انا عندى 25 سنة و مشكلتى ان انا كنت بحب شخص 32 سنة و كان لسة مخلص جامعة عشان كان بيعيد سنين الدراسة المهم فضلنا سوا سنتين و نص و كنا لبعض كل حاجة و كنت بثق فيه جدا المهم لما خلص جامعة جيه و اتقدم و طبعا اترفض لانه اجتماعيا غير لائق ليا بالمرة انا متفوقة فى دراستى و معايا ماجيستير و هو كان لسة مخلص جامعة بالاضافة الى انه حدث تجاوزات بينا و اهلى عرفوها و قالو عليه مش كويس و كده بس هو كان صريح معايا و قايلى كل اللى عاملوا قبلى ,, اتخانقت مع اهلى لحد ما وافقو و كانوا بيعاملو وحش هو و اهلوا و اهلوا مش فاهمين اهلى بيعملوا كده ليه ,,, نزلنا جيبنا الشبكة و كانت خطوبتى تانى يوم و اخويا بوظها لاسباب تافهة بانه اهان باباه حصلت مشكلة و كانت طيارته تانى يم فا مشى... انا قلت انى هاستناه لو مييت سنة بس انا حصلت حاجات كتير بينى و بين اهلى و هو اتغير اول ما سافر مش بقى زي الاول و كنت اتعب كتير و نفسيتى تعبت و اتقربت لربنا اكتر ... دلوقت اتقدملى واحد كويس من كل حاجة بس انا مش متقبلة فكرة انى اكون مع حد تانى و فى نفس الوقت مش قادرة ابطل تفكير فى الاولانى لانو كل حياتى و احنا كنا زى بعض فى كل حاجة و فاهمين بعض جدا بس انا مش قادرة انسى انى تعبنى و اللى عملوا فيا ... فى تفاصيل كتير منعا للاطالة بس انا ضحيت عشانه بحاجات كتير اوى و عارفة انو لو مكانى مكنش عمل كده ليا ... احنا بنكلم عادى كل فترة بس دايما يقولى انا على وعدى انى اول ما انقل شقة تبع العمل هاجيبك و اكتب عليكى . انا مش عارفة اتصرف ازاى
ليست هناك تعليقات:
إرسال تعليق