رسالة من مشتركة معنا
مساء الخير من فضلك انشرى المشكلة دى من غير اسم
مش عارفة ابدأ كلامى منين ولا ازاى بس استحملونى لو هطول عليكم شوية
فى بداية حياتى من اكتر من 6 سنين كان عمرى وقتها 21 سنة كنت يدوب مخلصة كليتى اتعرفت على واحد فى مجال شغل كان اول حد يدخل حياتى لانى دايما فى حالى والحمدلله ملتزمة اخلاقيا بس غصب عنى لقيتنى حبيته وهو كمان وقتها قالى انه بيحبنى ورتبنا للحياة والبيت وفجأة وبدون مقدمات لقيت واحدة طلعتلى بنت كان كانت 19 سنة وقتها قالتلى انها على علاقة بيه بقالها 3 سنين وبيحبوا بعض اتصدمت طبعا لانه كان ممثل باارع اوى وواجهته قالى انا اخترتك انتى لانها متنفعش تكون زوجة وام لأولادى علشان متحررة وجريئة وكلام كتير قالو عنها .. وبقت هى تقولى كلام مختلف قررت اقطع علاقتى بالاتنين وفعلا غيرت رقمى وبقى يبعت للبنت دى رسايل يشتمها ويقولى انى محترمة ومش زيها ويطلب منها تبعد عنى وهى كانت بتجيلى وتوريلى الرسايل دى ودايما تظهرلى انها مظلومة .. ورجع تانى يحاول يكلمنى ع الايميل ويعتذر ويتأسف انه خبى عنى وقالى انه سايبها بقالها فترة وانها جت علشان تفرق بينى وبينه لما عرفت انه فيه حاجة وقالى انه مستعد يجى ل بابا لو انا عايزة وصدقته ومرضيتش اخليه يجى ل بابا الا بأهله لما يبقى جاهز وفضلت البنت دى تكلمنى بسبب ومن غير سبب حاولت كتير ابعد عنها بس هى مكنتش بتدينى فرصة لغاية اما بدون سبب وفجأة لقيته اتغير مبقاش يكلمنى وفجأة برده لقيته بيقولى كلام متوقعتش اسمعه منه والبنت قالتلى انه بيحاول يرجعلها قلتلها دى حاجة تخصك وانا مليش فيها وسبت الشغل كله وربنا يعلم انا كنت بموت وقتها قد ايه ومع ذلك كنت عمرى ما بظهر انى ضعيفة او انه فارق عندى لانه كبريائى اهم من اى حاجة تانية اتفاجئت بالبنت دى بتكلمنى وبتطلب انى اسامحها ولما سألتها عن ايه حلفتنى مجيبلهوش سيرة ومفتحش الموضوع معاه قلتلها انه انتهى من حياتى ومش هيحصل بينى وبينه كلام من اى نوع وعرفت منها ان هى اللى طلبت منه يقولى كلامه ده علشان يرد لها كرامتها وكإختبار ل حبه ليها كانت صدمة اكبر وبرده سكت واعتبرت ان مجرد ردى عليهم اهانة ليا .. وبعد فترة من الالم والمرض قررت ابدأ حياتى من جديد فتحت مشروع خاص بيا فترة صغيرة ولقيت صاحب المحل اللى انا اجرته منه بيتلكك على حاجات تافهة عرفت بطريق غير مباشر ان البنت دى راحت ل مراته وفهمتها انى خطفت منها حبيبها وانى مش بعيد اخطف جوزها ( صاحب المحل ) وفهمتهم انه فيه بينى وبين حبيبها حاجة .. لانه المحل كان مع الاسف فى نفس المكان قفلته ولغيت المشروع خالص وقطعت علاقتى بكل فرد وكل شخص كان عرف حاجة عن الموضوع ده
ليست هناك تعليقات:
إرسال تعليق