رسالة من مشتركة معنا
لوسمحتى نزلى مشكلتى ضرورى عايزة حل بسرعة انا مخطوبة من 6 شهور عن حب الحمد لله بصراحة حماتى كانت كويسة معايا وكانت تتصل بيا وتسألنى على امتحاناتى وعملت ايه وكدة دة فى الفترة اللى بعد قراءة الفاتحة ويوم ماكنت نازلة اشترى شبكتى خطيبى اتاخر جدا وتليفونه كان مقفول رنيت عليها وكلمتها بعصبيةوهى كلمتنى بطريقة ضايقتنى وبعدين هو وصل ونزلنا اشترينا الشبكة ومن يومها وهى معاملتها متغيرة معايا واكلمها احس انها بتكلمنى غصب عنها وفى الفترة الاخيرة بتعامل مرات اخويا كويس جدا لدرجة انى بحس انها خطيبة ابنها مش انا والنهاردة كنت عندها انا ومرات اخويا هى سلمت عليها ورحبت بها جدا وانا سلمت عليا من غير نفس وطول الوقت ولا كانى موجودة انا زعلت جدا وظهر دة عليا لدرجة انهم سألونى وخطيبى زعل لانى زعلت وقالى كان المفروض اكون عادى ومحدش يلاحظ انى زعلانة واتعصب وقفل معايا انا عايزة حل اصالح خطيبى ازاى ولا اسيبه هو لما يتكلم واعمل ايه مع حماتى علشان تبقى كويسة معايا لانى مش عندى استعداد اعيش فى مشاكل معاها لانه هيأثر عليا وعلى حياتى بعد كدة
ليست هناك تعليقات:
إرسال تعليق