رسالة من مشتركة معانا
انا عايزه ااحكيلكم ع حاجه مضيقانى اوى انا مخطوبه وخطيبي بيجيلي كل شهر مره بحكم انه ف القاهره وانا ف اسكندريه .. ماما بقي كل لما يجى الاقيها بتكلمنى وحش اوى قدامه هو عنده شقته ملكه بس ف مكان شعبي شويه انا رضيت وكل حاجه قالى لا احنا ناخد ايجار جديد ف منطقه كويسه علشان ماتبقيش ااقل من اخواتى البنات ف حاجه ومش هنغرم حاجه اللى هناخده من هنا هندفعه هنا وهو قالى ماتقوليش لماما حاجه الا لما اكتب العقد الاول علشان اعملها مفاجئه بس هو اول لما قالى انا جريت عليها قولتلها وحكيتلها مش بعرف اخبي عليها حاجه .. قالتلى خلاص ماشي وهو لما يجى يحكيلي كأنى معرفش حاجه وكانت بتضحك وتهزر وكأن مافيش حاجه جه اول امبارح بيتصل بيها علشان يقولها مش راضيه ترد عليه وبتعاملنى معامله وحشه اوى بتقولى انتو متفقين مع بعض وروحى بقي انتى اتجوزيه لوحدك بعيد عننا .. انا دلوقتى عايزه اعرف حاجه هو انا عملت حاجه ف كل ده والله انا مش ذنبي حاجه بارغم انى اخر واحده ف البنات وبابا متوفي وهتجوز بعد سنه انا عايزه ارضيها بأى حاجه مش عارفه بعد اذنكم قولولى اعمل اى انا اسفه انى طولت عليكم معلش ,,
ليست هناك تعليقات:
إرسال تعليق