بدور على حدود الحلال والحرام

رسالة من مشتركة معانا
انا انسانه اجتماعيه ما بين الناس اللى اعرفهم كويس عيله اوصحاب او ناس فى الشغل وليا معارف كتير جدا فى الشغل بره وجوه مصر وكان شغلى كويس والحمد لله ملتزمة بصلاتى وبالقران واتخطبت مرتين ومحصلش نصيب اللى حصل ان فى اتنين فى الشغل اتفقو عليا وسبت الشغل عشان كانو عاوزين يجبو بنت تانيه مكانى للناس بيخلصو ليهم اوراق شغل وانا من النوع اللى مش بسال ليه كدا ورضيت ودورت على شغل تانى وبحاول الاقى حاسه حياتى كلها واقفه مفيش تقدم فيها انا 26 سنة بس مبحبش اخرج من البيت كتير مش حكايه بحب البيت بس صحابي كلهم اتجوزو وليهم حياتهم ومينفعش نخرج مع بعض زى الاول وانا مليش اخوات بنات وبابا كل شوية بيضغط عليا اشوف شغل يقولى مش حابب قعدتك دى انتى متعلمه كويس وتعرفى ناس فى شغل مهم ازاى مش قادرة تشتغلى تانى انا عارفه انو عندو حق بس معرفش مالى نفسيتى تعبانه من كل اللى حواليا حتى اخويا الصغير بتاع مصلحته وبس وانا عمرى ما باجى على اى حد فيهم ولما لقيت كله بيضغط عليا فى حوار الخطوبة كان فى ناس كتير تتمنى انى اوافق عليها وفيهم شخص عجبنى تفكيرة كل فترة ياجل الخطوبة لحد ما انا زهقت وكلمته باسلوب مش كويس وقلتله انا ارجل منك لانى بوفى بوعدى وميصحش اهلى يضحك عليهم اكتر من دا اتخنقت جدا منه وحسيت انى كرهت اى ارتباط لانى بدور على حدود الحلال والحرام ومش عارفه اتقبل غير دا مش عارفه ابدا حياتى تانى وكل ما اكون مخنوقه بقرب من ربنا وادعى انا نفسي ارجع شغلى وحياتى زى ما كنت بجد كل اللى حواليا حسسونى بحزن شديد من كتر ما هما مش مصدقين انى اتحولت 180 درجه لانسانه مش عارفه هى عاوزة ايه ياريت تدعولى باللى يرضيه قلبكوا ولو سمحت بدون اسم وابعتولى اللينك اه نسيت اقول انى انسانه عصبيه وعنيده جدا