رسالة من مشتركة معانا
مرحبا انا متزوجة من سنة في بيئة للاسف تختلف عن بيئتي .. الناس هون طريقة تفكيرهم شوي رجعيه لكن الي مخفف عني زوجي وبيت حماي ناس راقيين ومتحضرين وتفكيرهم احسن من غيرهم شوي .. تعرفت على سلفتي وحبيتها لكن هي مابعرف احيانا بحسها بتحبني احيانا لا .. سلفتي عرفتني ع بنت خالتها وصرنا صحبة .. وتزوجت بنت خالتها من جديد وحملت على طول .. وكل ما اسئل سلفتي عنها كيف هي شو اخبارها بتحكيلي الحمدلله وبتحاول تغلق الموضوع بطريقة غريبة .. انا شكيت بالموضوع لكن حكيت براحتها .. من جديد دار حماي حكوا قدامي بالغلط انو بنت خالتها لسلفتي حامل .. ماكانوا بدهم يحكوا بس الكلمة صارت طالعة .. واكتشفت انو الكل بدو يخبي الموضوع عني .. قلت بعقلي يمكن بدهم يخبوا عني عشان ما يجرحوا مشاعري .. بس تزكرت انو حماتي اي حدا بيحمل من اقاربها بتحكيلي يعني مو خوف ع مشاعري .. تذكرت انو سلفتي ممكن تكون طالبة منهم ما يحكولي مشان ما احسد لان بصراحة موضوع السحر والشعوذة مسيطر ع تفكيرها ودار حماي متحضرين لكنهم احيانا بيتأثروا بسلفتي وبيعملوا زي مابدها لانه في معرفة قديمة بينهم وبين اهلها ومابهون ينحكى عنهم كلمة بهالبلد لهيك مستحيل يزعلوها شو ماعملت بس انا لاني غريبة الكل بدو يستقوي علي لولا انا حاطة حد للعلاقات ومش كتير رامية نفسي عليهم ومش اجتماعية كتير معهم ادايقت من الطريقة الي هن بفكروا فيها وخايفين اني اغار او احسد وانا ما صرلي سنة متزوجة .. لكن هون التخلف واصل ازا العروس ماحملت من اول شهر خلص راحت عليها .. حسبي الله ونعم الوكيل .. مجرد فضفضة وشكرا لانكم رح تسمعوني وتحكولي ارائكم
ليست هناك تعليقات:
إرسال تعليق