انا عايزة اتفسح و مش عاجبنى فكرة ان جوزى

رسالة من مشتركة معانا
المفروض اطلع مصيف مع جوزى واخوه وحمايا وحماتى "بيكرهونى جدا" و اخت جوزى "دلوعة بابا وماما" وجوزها ومامته "حمة على أصولها" و اخته "مش متجوزة"
المهم بقى ان حمايا و حماتى اصلا تاعبنى جدا و يتمنوا لى الغلط و مش بيقبلوا لى كلمة و جوزى سلبى قوى معاهم و لو عملوا ايه فيا هو عمره ما هاياخد حقى ولا يرد عليهم ... وفى نفس الوقت هما بيعاملوا جوز اخت جوزى احسن معاملة هو واهله وبستحملوا منهم كل حاجة عشان ماينكدوش على بنتهم ... فا انا عارفة ومتأكدة انهم في المصيف دة هاينكدوا عليا قدام الناس كالعادة و جوزى يا هايبقى في صفهم يا هايسكت ويعمل نفسه مش واخد باله ... وفى نفس الوقت انا عايزة اتفسح و مش عاجبنى فكرة ان جوزى يسافر لوحد معاهم و لا كأنى مراته وعلى فكرة هو هايتبسط عادى مش فارق معاه و هم اكيد برده هايتكلموا عنى مش حلو و ممكن يقلبوه عليا ودة حصل قبل كدة كتير ... وممكن يعملوا مشكلة انى مروحتش اصلا .... اروح ولا مروحش؟؟