يا جماعة عاوزة اطلق

رسالة من مشتركة معانا
السلام عليكم ورحمة الله وبركاته
مش عارفة ابدأ كلامي ولا مشاكلي لأني وبصراحة يمكن اكون عايزة افضفض اكتر من انها مشكله بحد ذاتها
مشكلتي تكمن اني عايشة بس شبة ميتة مش حاسة بطم الدنيا ولا اني ابسط مع الي حوليا
انا متجوزة من انسان كويس نوعا ما مش بخيل عليه الحمدلله بس مش بعاملني كويس كزوجة عايشين في بيت واحد بس مش بنتكلم كتير مش بحب النقاش ولا كتر الكلام كأننا عايشين جماد تحت سقف واحد
عندي بنتين منة بس احنا تجوزنا جواز صالونات لا عن حب ولا اي شعور نحيتة بس انا قولت اهي جوازة اخلص من بيت اهلي و تستر افضل من معاملة الوالدة الوخشة واصرارها اني اتجوز وخلاص
هو انسان ممل لدرجة الخنقة لو فكرت اناقشة في امور البيت والبنات مش بيرد وسايب مسؤليتهم كلها عليه
بفكر اتطلق لاني مش مبسوطة للعيشة دي وخايفة من المستقبل لكن في نفس الوقت مش عزيزة ارجع لبيت اهلي و للعيشة الذل والمعاملة السيئة من والدتي و كلام الناس اني ست مطلقة
تعبت وعايزة نصيحة حضراتكم ليه ممكن اسفيد منها بس من غير تجريح
واسفة للأطلالة ومن دون ذكر الاسم لو سمحتي وشكرا